gan Ed Thomas

Cyfieithiad i'r Gymraeg gan Sharon Morgan o'r ddrama ffrwydrol 'House of America'.

Cyfarwyddwr:  Tim Baker

Cast:  Alun ap Brinley, Sara Harris-Davies, Rhodri Meilir, Elin Phillips, Sion Young

Cyfieithiad i'r Gymraeg o stori ffrwydrol ac angerddol Ed Thomas, 'House of America', am frwydr anobeithiol dyn yn erbyn amgylchiadau a diwedd y freuddwyd Americanaidd mewn tref ddiwydiannol yn ne Cymru yn yr 1980au.

Adrodda Gwlad yr Addewid stori teulu'r Lewisiaid - Sid, Boyo a Gwenny, sydd yn byw gyda eu mam ecsentrig wedi i'w tad eu gadael gyda'r honiad o geisio bywyd gwell yn yr Amerig.  Mae'r plant yn ysu am gael dianc yn yr un modd a'u tad ond mae'r sefyllfa yn anobeithiol gan fod prinder swyddi yn y dref fach, a Mam ddim yn fodlon i'w meibion hi  weithio yn y gwaith glo brig, sydd yn taflu ei gysgod llwyd dros y ty.

Rebelio yn erbyn eu hamgylchiadau y gwna Sid a Gwenny gyda chanlyniadau hunan ddinistriol.  Mae eu ffantasiau yn dechrau gafael ynddynt....gan adael Boyo a Mam ar ol gyda'r gwirionedd creulon.

Dyma'r tro cyntaf i'r ddrama hon gael ei llwyfannu yn broffesiynol yn y Gymraeg.