I gyd fynd â
chynyrchiadau'r Cwmni, mae Theatr Genedlaethol Cymru yn trefnu
cyfres o weithdai a sgyrsiau ymestyn ar hyd a lled
Cymru.
Mae gan Theatr Genedlaethol Cymru Swyddog Ymestyn penodedig
llawn amser sydd wedi ei hymrwymo i gynnig gwaith ymestyn uchel ei
safon i ysgolion, colegau, prifysgolion, sefydliadau, grwpiau
dysgwyr, cylchoedd llên, grwpiau drama a llawer mwy.
Mae'r Cwmni yn cydweithio yn gyson gydag athrawon mewn ysgolion
uwchradd ar draws Cymru er mwyn creu pecynnau sy'n berthnasol i'r
cwriciwlwm cenedlaethol.
Gellid cynnig ystod eang iawn o weithdai a sgyrsiau gan gynnwys
gwaith ar actio, cyfarwyddo, sgriptio a materion technegol yn
ogystal â gweithdai, dosbarthiadau meistr a sgyrsiau am
bynciau/themâu penodol.
Datblygiad diweddar yw gwahodd grwpiau lleol yn ardal Sir
Gaerfyrddin i gartref Theatr Genedlaethol Cymru yn Y Llwyfan,
Caerfyrddin yn ystod y cyfnod ymarfer. Mae hyn yn cynnig
cyfle unigryw i weld yr actorion a'r cyfarwyddwr wrth eu gwaith ac
i gyffwrdd a cherdded ar set theatr broffesiynol. Wedi'r
sesiwn, fe geir cyfle i holi cwestiynnau i rai o'r actorion a'r
cyfarwyddwr a sgwrsio yn fwy manwl am y sioe.
Os hoffech drefnu fod cynrychiolydd o'r Cwmni yn dod i ymweld
â'ch ysgol/coleg/sefydliad chi, cysylltwch â Fflur Thomas, Swyddog
Ymestyn ar 01267 233882 neu e-bostiwch ymestyn@theatr.com
Gweithdy Cyfarwyddo gyda Betsan Llwyd
