Mae Theatr Genedlaethol Cymru yn gwmni drama teithiol iaith
Gymraeg.
Sefydlwyd y Cwmni yn 2003 gyda'r bwriad o greu theatr ar gynfas
lydan, sydd ag apeal eang, sy'n cyfoethogi diwylliant theatrig
Cymru, ac sy'n portradu safle'r genedl yn y byd a safle'r byd yn y
genedl.
Er fod y Cwmni yn gwmni teithiol sydd yn gwasanaethu Cymru ben
baladr, mae cartref gweinyddol y Cwmni yng nghanolfan Y Llwyfan, yn
nhref Caerfyrddin. Yma mae holl waith gweinyddol y Cwmni yn
cael ei wneud ac yma hefyd mae'r ymarferion yn digwydd cyn i
gynhyrchiad fynd ar daith.
Ar hyn o bryd, mae Theatr Genedlaethol Cymru yn cynhyrchu tri
cynhyrchiad teithiol, sydd yn cael eu perfformio, gan amlaf, ym
mhrif theatrau Cymru.
Yn ogystal a chynyrchiadau, mae gwaith ymestyn yn cael ei wneud
er mwyn meithrin cysylltiadau gyda chymunedau ar hyd a lled
Cymru. Mae hyn yn cynnwys gweithdai, sgyrsiau, nosweithiau
agored a seminarau gydag ysgolion uwchradd, colegau, prifysgolion,
grwpiau drama a sefydliadau perthnasol.
Ers 2003, mae Theatr Genedlaethol Cymru wedi llwyfannu dros 22 o
gynyrchiadau sydd yn cynnwys 'Yn Debyg Iawn i Ti a Fi', ''Siwan',
'Cysgod y Cryman', 'Esther', 'Hen Rebel', 'Porth y Byddar',
'Iesu!', 'Y Pair', 'Y Gofalwr' a 'Gwlad yr Addewid'.
Cofrestrwyd Theatr Genedlaethol Cymru Cyf. yng Nghymru - Rhif
Cofresrtu 4784488. Mae'r cwmni hefyd yn Elusen Cofrestredig Rhif
110603
Cynhyrchiad Cyntaf y Cwmni - Yn Debyg Iawn I Ti a
Fi
Diweddgan (2006-2007)
